Popplag í G-dúr

Það snjóar :)

Fri, 24 Oct 2008 10:53:46 GMT

Hvað segið þið gott þessa dagana?

mér finnst tíminn eiginlega bara þjóta áfram.. maður er rétt mættur í vinnuna á mánudegi og þá er kominn föstudagur.. og það er ekki eins og það sé eitthvað brjálaða að gera.. þannig að ég skil þetta ekki alveg..

ég verð að viðurkenna að undanfarnir dagar hafa einkennst af miklum pirring.. þar sem við jói erum eiginlega búin að gefast upp á íbúðinni sem við erum í :(.. enda ekki spennandi að þurfa að vaða til að komast inn í svefnherbergi og eigandinn ekkert æstur í að láta laga þetta.. þannig að við erum sem sagt að flytja eina ferðina enn og í þetta skiptið á brekkuna.. ég fer yfir um ef að það verður eitthvað vesen á þeirri íbúð 8|.. ef einhver vill lána okkur svona 3-4 millur þá skal ég með glöðu geði kaupa íbúð og vera bara þar! ;).. en við krössum hjá mútter þar til við fáum hina íbúðina um næstu helgi.. það versta er að fólk fer örugglega að forðast símtöl frá okkur því við erum alltaf að fá einhvern til að hjálpa okkur að flytja! :|

jói var eitthvað heiladauður í gær og fattaði ekki brandara af mbl sem ég var að segja honum, hann hljóðar svona: "afhverju líta fasteignasalar ekki út um gluggann á morgnanna?... svo þeir hafi eitthvað að gera eftir hádegi!" :haha: múhahahaha.. fannst hann góður.. enda nauðsynlegt að reyna að brosa í þessu ástandi öllu.. enda gera fjandans fjölmiðlar ekki neitt annað en að vera með bölsýni og neikvæðar fréttir af allri þessari vitleysu.. en við komumst yfir þetta eins og annað.. við erum íslendingar og þetta reddast.. ekki satt? og ef í hart fer þá getum við alltaf flutt úr landi og leyft þessum blessuðu stjórnmála- og bankamönnum að þrífa upp eftir sig skítinn... og þar hafiði það.. ég sem ætlaði ekki að skrifa neitt um þetta kreppukjaftæði 8)

og spáið í það jólin eru eftir tvo mánuði :)

Dídí hefur talað ;)

Sama hér

Wed, 08 Oct 2008 11:09:17 GMT

Hæ hæ allir saman

ég eiginlega nenni ekki að ræða um það hvað allt er að fara til fjandans og veit það bara að þessi kreppa er orðin hápólitísk og fyrst að kanarnir vildu ekki leika við okkur.. þá bönkum við bara upp á hjá rússunum og spyrjum hvort að þeir vilji vera memm! :s

Við skelltum okkur í höfuðborgina um síðustu helgi.. enda karl faðir minn á landinu ásamt konu og 2/5 af börnunum þannig að ekki annað hægt en að kíkka aðeins á þau.. maður verður alltaf jafn hissa hvað þessi systkini manns eldast hratt.. en ætli þau eldist ekki bara nokkuð eðlilega miðað við önnur börn :$ okkur var svo boðið í mat til halldóru og hreggviðs og ekki kom maður að tómum kofanum þar skal ég segja ykkur! enda nýflutt í þennan fína kofa..ef kofa skyldi kalla þar að segja (i'm on fire í orðtökunum :P) meira að segja þá lögðum við ekki í síðasta réttinn af því að við vorum svo rosalega södd! karlpeningur lá í stofunni nánast óvígur vegna seddu! hlakka bara til næst :).. annars var að sjálfsögðu kíkt í ikea og fékk mín að fara ein og óstudd þangað og engin til að halda í peningabudduna.. og fannst minni það ekki leiðinlegt! ;) annars var í raun ekkert annað verslað, kíktum aðeins á nýja korputorgið.. sem fyrir misskilning var alltaf kallað korpukot og fannst manni maður alltaf vera á leiðinni í leikskóla (ég meina hvað er málið með þetta nafn!) :p.. dóra amma bakaði svo þessar dýrindis lummur handa okkur í morgunmat á sunnudeginum.. þannig að helgin var barasta fullkomnuð.. fórum ekkert í smáralind og ef það hefði ekki verið lokað nánast allt á laugaveginum hefðum við ekki farið í kringluna heldur, en þar sem átti eftir að versla einhverjar afmælisgjafir þá var ekki hjá því komist.. en ótrúlegt en satt þá var ekki stigið inn í eina einustu fatabúð! það myndi ég telja afar góðan árangur af minni hálfu.. en það var kannski vegna þess að ekki var ætlunin að kaupa neinar flíkur og að fara inn í eina slíka gæti verið of mikil freisting :$

annars er bara ekkert planað fyrir helgina næstu.. og held ég að það sé fyrsta helgin frá því í vor sem ekkert er á dagskrá!

hey já þegar við komum heim á mánudaginn þá var barasta heitt vatn í öllum krönum.. hafið þið prufað að setjast á klósettið og fá yl á rassinn? ég skal segja ykkur að það er bara ótrúlega ljúft ;) en það versnar í því þegar maður þarf að tannbursta sig því.. í fyrsta lagi er afar óþægilegt að setja heitan tannbursta upp í sig.. þeas þegar maður á ekki von á því og náttlega enn þá verra að skola á sér kjafinn með 50° heitu vatni (lauslega útreiknað) en það stendur vonandi til bóta og kalda vatnið kemur alltaf á endanum og þegar kalda vatnið kemur þá kemur allt annað.. eða segir það það ekki í máltækinu? :P

jæja þettar er orðið allt of langt.. veit ekki hvort þið nennið að lesa þetta ;)

Þangað til næst
darma dæmalausa

Bloggedí blogg

Wed, 17 Sep 2008 13:51:17 GMT

Vá það er svo langt síðan ég bloggaði seinast að ég man varla hvernig á að gera þetta!.. sumarið er búið að vera ansi viðburðarmikið og svona í stórum dráttum:

júróvisjon djamm á dallas þar sem fylgst var með frikkanum standa sig ótrúlega vel.. enda þau vinirnir pró fram í fingurgóma :)
sjóstöng í grímsey.. þar sem ég fékk að vera aðstoðarmaður þetta árið og stóð mig bara ótrúlega vel að eigin mati :).. allt jafn gaman að koma og láta stellu og þór dekra við sig.. þó að þetta árið hafi verið tekið á móti okkur með sérsveitinni :P
gæstun og steggjun lindu og finns, ótrúlega gaman á alla bóga fyrir utan twistið í endanum ;)
gifting lindu og finns, bara gaman og ekki spillti tjúttið á eurobandinu á eftir
útilega á vestfirði með tjaldavagn í viku, snilldarverður og snilld bara
sumarbústaðaferð til himma, þar sem haldin var mótaröð í kubbaspili
heimsókn frá litlu systur í noregi og heimsóknin nýtt til að skoða akureyrina betur
hríseyjarhátíð - hmm við tókum næstu ferju til baka, þarf að segja meira!
nú ekki má gleyma tjúttuhelginni þar sem við hjúin skelltum okkur á þjóðhátíð með glöðu og góðu liði :D
að ógleymdum fiskideginum, aðaldegi ársins, og þrátt fyrir óvænt veikindi (völdum rigningar helgarinnar á undan) þá var bara ótrúlega gaman eins og vanalega :)

við gerðum fullt meira en þar sem upprifjandinn man ekki hvað hann gerði í gær er nú ekki hægt að búast við að hann muni hvað hann gerði í júní 8)
en svona eins og staðan er í dag þá erum við flutt eina ferðina enn og nú í sveitina, í hús sem heitir örk en er kannski ekki beint sveitabær.. okkar líkar lífið ótrúlega vel þar í sveitasælunni.. veturinn verður vonandi eins ánægjulegur og sumarið og er stefnan sett á matarklúbbastemningu, kertaljós og kósíkvöld í sveitinni, vonandi einstaka snjóbrettaferð og annað svona sem tilheyrir vetrum og kulda..

ég átti afmæli um helgina svona fyrir þá sem ekki mundu eftir því en það er nú allt í lagi enda ekkert stórafmæli ;).. jóinn minn var nú svo ljúfur á laugardeginum að bjóða mér í brunch og fór svo með mér í verslunarferð og hélt á öllum pokunum mínum og sagði ekki orð :).. bauð minni svo í kaffi og lestrarferð í pennann og þaðan var tekinn rúntur á abacco þar sem minni var boðið í pottinn og í nudd.. ekki slæmt það.. síðan var brunað út á dalvík þar sem jóinn henti upp veislumáltíð og síðan heim til kötu, þar sem aðeins var tékkað á, hvort að karókíið virkaði ekki örugglega og hvort ekki væri rétt hitastig í pottinum :).. afmælidagurinn fór svo í þynnku þar sem sötrað var rauðvín með veislumáltíðinni og lítið varð úr bakstri :s.. en það er svo sem í lagi enda er maður alltaf í 'megrun' :$.. hey já og ekki má gleyma því að jói var búinn að gefa mér afmælisgjöf helgina á undan.. hann þorði nú ekki öðru þar sem þær fréttir bárust að undrakjóllinn væri að seljast upp á akureyri.. ég er sem sagt búin að vera að æfa mig í að vefja utan um mig fjólubláum undrakjól sem tekur á sig allskonar myndir og ég er barasta hæstánægð með hann, núna bíð ég bara eftir tilefni til að sýna öðrum sparihliðina á honum :D

þangað til næst.. sem verður vonandi á þessu ári ;)

Dagmar í haustblíðunni 8)

Hæ þið!

Fri, 30 May 2008 14:26:31 GMT

já sæll.. var að koma af glerártorgi.. hafði nú hugsað mér að vera sem lengst í burtu frá því þessa helgina en gat nú ekki sagt nei við litlu systir sem vildi fá trampolín.. sem betur fer var hægt að fá ávísun á trampolín fyrir utan dótabúðina, því það var hleypt inn í hollum og ég hefði ekki boðið í það að þurfa að bíða án þess að vita hvort að þetta blessaða trampolín væri til eða ekki8|.. en ekki tók betra við þegar maður loks komst inn í búðina.. þar var endalaust röð á kassann, þar beið ég í hálftíma bara til að fá að borga:evil:.. en út er ég komin út og á lífi og með blessaða trampolínið undir hendinni.. þá er bara að skella sér heim til múttu og byrja að hoppa!8)

ákváðum með stuttum fyrirvara í gær að flytja draslið okkur í gærkvöldi.. og ég er enn þreytt í löppunum 8|.. já annars við erum að flytja niður á eyri.. leigusamningurinn var búin núna um mánaðarmótin og það var ekki það að leigusalinn bauð okkur að vera lengur.. alveg framm í miðjan september :s.. en hún ætlaði sko að hækka leiguna um 10 þús í þennan tíma.. og við bara "já verði henni að góðu!" þá hafði henni verið sagt að hún væri að selja sig svo ódýrt.. ég veit ekki með ykkur en mér finnst 85 þús kall ekki ódýrt! nú liggur bara fyrir að koma sér fyrir og er það planið fyrir helgina

eru ekki allir búnir að gleyma júróvisjon??.. við náttlega getum verið afskaplega stolt af frammistöðu okkar fulltrúa þó svo að úrslitin hafi ekki farið okkur í vil.. og hver sem segir að austantjaldsmafían kjósi bara hvern annan getur hugsað um það að norðurlöndin gerðu nákvæmlega það sama.. erum bara færri.. því miður ;).. ég var farin að halda það einhvern tímann að þetta væri bara mismunandi tónlistarsmekkur og ólíkt uppeldi en þar sem lögin voru mörg hver keimlík þá er ég hætt við þá kenningu.. nú held ég að málið sé innflytjendur sem kjósa sitt land og ekki hneykslast á því heldur því hver og einn íslendingur sem býr í útlöndum hefur pottþétt kostið ísland líka en enn og aftur þá erum við of fá :s.. svona er þetta bara!.. vil bara þakka öllum sem ég hitti í víkurröst fyrir ótrúlega skemmtilegt djamm langt síðan maður hefur skemmt sér svona vel í röstinni.. júlli er náttlega snillingur og við dalvíkingur værum töluvert meira dull ef ekki væri fyrir hann.. þannig að hrós ársins fer beinustu leið til júlla :lol:

en jæja ætla að halda áfram í vinnunni minni.. njótið helgarinnar
Darma eyrarpúki

habítíhabíti

Thu, 17 Apr 2008 14:04:53 GMT

Hvað segiði þá?
mín er nýstigin upp úr flensu, þeirri þriðju á þessu ári.. geri aðrir betur! ég er búin að vinna í rúma 4 mánuði og þrisvar búin að þurfa að taka mér veikindafrí.. ekki gott afspurnar:^) en maður ræður lítið við það.. ég gerði þó heiðarlega tilraun til að mæta í tvö skiptin, sat í úlpunni hérna í 2 daga áður en ég sætti mig við þetta og fór heim og í seinna skiptið gerði ég ekkert annað en að hnerra og hengslast á stólnum í tvo daga þangað til ég bara komst ekki fram úr rúminu8)

ingibjörg sys er búin að vera á dale carnegie námskeiði undanfarnar vikur og í gær var seinasti fundurinn.. þá mátti koma með fjölskylduna með.. þannig að mín mátti til með að kíkja.. það var ótrúlega gaman að sjá alla þessa krakka segja frá því hvað þau hefðu áorkað vegna þessa námskeiðs.. og stóð litla systir sig ótrúlega vel.. tvímælalaust á meðal þeirra sem voru best að máli farin og talaði hátt og skýrt.. manneskja sem talar svo lágt að maður þarf að hafa sig allan við að hlusta þegar maður talar við hana í síma:).. ekki spurning að ég fer á svona námskeið einhvern tímann8)

annars bið ég ykkur bara vel að lifa.. lítið fréttnæmt þessa dagana.. get þó sagt ykkur að ég er ekki ólétt.. fyrir þá sem eru sífellt að hafa áhyggjur af því;)..

Darman hressilingur bráðum

Hvað er í gangi eiginlega!

Wed, 19 Mar 2008 15:07:01 GMT

manni finnst miðað við fréttamiðla undanfarna daga að ísland sé bara algjörlega að fara til fjandans:( litla krónan okkar bara hrunin, kauphöllin hrunin og bensínverðið getur komið fullorðnum karlmönnum til að grenja.. og samkvæmt þessum blessuðu fjölmiðlum þá á þetta bara eftir að versna:cry:.. það er kannski spurning að maður fara bara að flytja eitthvað annað8|.. það hefur verið ansi lítið að gera hjá mér þessa dagana í vinnunni enda fólk ekki mikið fyrir það að leigja bíla erlendis þegar krónan er svona veik gagnvart öðrum gjaldmiðlum og það kæmi mér ekkert á óvart þó að fólk hætti við utanlandsferðir á meðan þetta er allt svona.

en að allt öðru! ég ætla að eiga mér góða páska, þrátt fyrir allt ;).. fáum fjölskylduna hans jóa til okkar og verður þeim öllum komið fyrir heima hjá mömmu þar sem gömlu eru á leiðinni til prag í fyrramálið.. ég held að stefnan sé aðallega á því að borða góðan mat og hafa bjór við hendina og jafnvel kíkja upp í fjall ef veðrið hagar sér skikkanlega :)

Annars óska ég ykkur gleðilegra páska vonum bara að ástandið taki sig saman í andlitinu um páskahelgina og allt verði orðið eins og það á að vera á þriðjudaginn ;)

Darma pínu svartsýn en líka bjartsýn á að þetta lagist bráðlega ;)

Bloggi blogg

Thu, 06 Mar 2008 11:46:48 GMT

Áttum góða síðastliðna helgi.. dýrindis matur hjá lalla og lindu á föstudeginum, þar sem var svo setið og kjaftað langt fram á kvöld og síðan var afmælispartý hjá árna frey á laugardeginum.. enda kjellinn orðinn 25 ára.. það var svaka stemning og síðan kíkt niðrí bæ.. og ótrúlegt en satt þá entist jói allt kvöldið og við fórum saman heim í leigubíl.. held að það hafi ekki gerst allavega síðan við fluttum norður;)..

við komumst af því á sunnudagskvöldið okkur til mikillar sorgar að sjónvarpið okkar er dottið út.. loftnetið hefur dottið út í einhverju veðrinu um helgina og það er kominn fimmtudagur og enn ekkert sjónvarp:cry:.. enda fórum við sögulega snemma að sofa í gærkvöldi:| en það varð til þess að hjónleysin vöknuðu eldsnemma til að borða morgunmat.. það var í fyrsta skipti á þessu ári!

Við ætlum svo að fara að sjá Fló á skinni á morgun.. heyrst hefur að það sé mjög skemmtilegt leikrit.. annað er óvíst.. spurning um að kíkja í sumarbústað.. ha lena?? eða kannski bara í bíó.. það kemur bara í ljós síðar:)

Hafið það notalegt um helgina sem og aðra daga

Dídí von McHaffenbergenlingen

This is my life

Sun, 24 Feb 2008 19:28:03 GMT

Allir ánægðir með úrslitin í júróvisjon?? ég er allavega mjög sátt :lol:.. það var svaka stemning hérna hjá okkur í gær.. jói eldaði geðveikan mat og síðan var fylgst með frikka og regínu vinna júróvisjon.. enda löngu kominn tíma á senda frikka út! nú verðum við bara að vona að austur evrópuþjóðirnir fíli teknó stuðið hjá þeim ;).. gó ísland!

er ekki um að gera að prufa nýja centralið!

Fri, 22 Feb 2008 11:11:06 GMT

maður bara veit ekki hvernig maður á að vera í þessari nýju uppsetningu ég segi ekki annað!..
vinnan er sem betur fer búin að vera nokkuð róleg þessa dagana enda hefur bókunarkerfið legið niðri síðan á mánudag.. bókanir sem lágu fyrir hafa sloppið fyrir horn en það má segja að maður sé búinn að vera með hnút í maganum um að ekkert alvarlegt komi upp á!

það verður júróvisjon/innflutnings partý hjá okkur á morgun laugardag, mæting kl. 20.00 í tjarnarlundi 2g allir velkomnir sem þekkja okkur!.. erum ekki mikið fyrir að fá ókunnuga í partý en tökum samt sem áður allar beiðnir til greina ;)..

okkur jóa langar rosalega að kaupa okkur íbúð en maður heyrir ekkert annað en að það sé versti tími í heimi til að vera að kaupa og svo eru lánin allskonar og gjöld sem maður veit ekkert um.. þannig að ég myndi segja að þetta væri dáltið skerí bisness til að fara út í.. allir sérfræðingar í húsnæðismálum sem langar endilega að gefa öðrum ráðgjöf mega láta mig vita 8)

Dídí partýhaldari

Pirr

Thu, 07 Feb 2008 15:53:08 GMT

djö.. get ég pirrað mig á sumum moggabloggunum:klikk:.. sem eru tengd við fréttir..ég reyndar nenni yfirleitt ekki að lesa þau.. en ég er fréttafíkill og fer þarna inn oft á dag og það er svona ein og ein frétt sem mann langar að heyra annarra manna skoðanir á.. og jú flestir hafa einhverja málefnalegar skoðanir.. en þeir sem eru mest pirrandi eru þeir sem eru kannski ekkert að spá hvað eru að segja og eru jafn vel með heimskulegar athugasemdir.. og ég verð að segja að ég set stórt spurningamerki við það að tengja víðlesinn fréttamiðil við mismerkileg blogg sem hver sem er getur lesið.. annað er að tengja fréttir við bloggin sjálf, þar sem lesendur bloggana geta á kíkt á fréttina sem bloggið fjallar um en ekki öfugt.. vona að þetta sé ekki of öfugsnúið ;)

Annars vona ég að þið eigið bara góðan dag :)

Darma ekkifréttamoggabloggari

Lífið í Letilandi

Wed, 30 Jan 2008 14:37:53 GMT

Það er afskaplega lítið að frétta af okkur skötuhjúum hérna á norðurlandinu góða.. ég er alltaf að bíða eftir að skrif andinn komi yfir mig svo ég geti klárað þessa blessuðu ritgerð.. en hann er ekki kominn enn.. hann hlýtur bara að vera á leiðinni! ;)

Annars héldum við skemmtilegt matarboð heima hjá kötu um daginn.. ég, jói, kata, himmi, gummi, kolla, kiddi rauði, birgir og pálína.. þríréttað og alles.. og maturinn var náttlega bara geðveikur.. áður en við fórum í eftirréttinn haldiði að við höfum ekki bara skellt okkur í lazer tag í þorvalsdalsskógi.. það var crazy veður á leiðinni og klukkan var ellefu um kvöld en belív mí þetta var geðveikt gaman!! maður náttlega gekk bara í barndóm og var að skjóta mann og annan og skríða í snjónum og fela sig og ég veit ekki hvað!.. þegar við komum heim eftir þetta voru allir svo búnir á því að við snarlega hættum að drekka og fórum bara fljótlega að sofa.. klárlega hlutur sem ég á eftir að gera aftur:D... fórum svo daginn eftir í afrískan mat á hótelinu með tengdó og hann var ótrúlega góður.. kíktum svo í spil heim til svönu áður skriðið var upp í..

við fórum reyndar út um helgina.. byrjuðum á því að kíkja á lindu og finn en ég fór svo með svönu og huldu vinkonu hennar.. sem á btw fullt af siberian husky sem eru bara flottir hundar og sem mig bara langar að eiga! ;)..

íbúðin sem við búum í var sett á sölu um daginn.. þannig að við þurfum víst eitthvað að fara að hugsa okkur til hreyfings.. okkur líður mjög vel hérna á akureyri svo ætlum við verðum ekki hérna eitthvað áfram ;)

en haldið þið að hún birna vinkona (sveinbjörns fyrrum skólastjóra á dalvík) hafi ekki átt litla skvísu seint í fyrradag.. ótrúlega sæt lítil dúlla... maður náttlega fær alveg verk þegar maður sér svona lítil ;)

Hafið það gott þarna úti :haha:

G.I Darma

damn

Thu, 17 Jan 2008 00:09:56 GMT

ég var að skrifa pistil og netsambandið datt út þannig að nú er andinn farinn:evil:

en mig langar samt að monta mig af nýja bílnum sem við vorum að fá okkur svartan volvo s40 ógislega töff og jói heldur ekki vatni yfir honum en það er kannski ekki skrítið því við vorum bara að fá hann í gær:D.. ég hefði sett inn mynd af honum en það er svo mikill snjór úti að hann sést ekki almennilega:S

Nýtt ár!!

Thu, 03 Jan 2008 11:17:55 GMT

Gleðilegt ár!

Vona að allir hafi átt notalegar stundir yfir hátíðirnar og borðað mikið.. ég veit að ég gerði það 8)

Sendi óskir til allra um að árið færi gæfu og gleði og reynið nú að njóta þess að vera til!

tata

Dagmar með góðar væntingar fyrir nýju ári;)

Ekkert stress... eða hvað?

Wed, 19 Dec 2007 15:00:12 GMT

undanfari jólanna hefur undanfarin ár meira og minna einkennst af prófstressi og að kaupa jólagjafir á síðustu stundu.. í ár voru náttlega engin próf og mín bara búin að njóta þess út í ystu æsar.. að geta horft á sjónvarpið á þessum tíma ársins er algjör lúxus fyrir mig.. en ég fattaði það samt núna í vikunni að ekkert stress þessa dagana (sem í mínum huga er að liggja upp í sófa með tærnar upp í loft að horfa á tv) getur verið varasamt.. ég er reyndar búin að skrifa nokkur jólakort en ég hugsaði ekkert um að senda þau og að sjálfsögðu var ég á seinustu stundu með það8).. ég er búin að kaupa flestar jólagjafirnar en ég er hvorki búin að pakka þeim inn og svo ekki búin að senda þær sem á að senda.. og ég held að það sé orðið of seint núna8).. ég er farin að hallast að því að ég fúnkeri ekki almennilega nema að vera með smá stress í maganum... hef fundið það í gegnum skólagönguna ;)..

Það er líka rosalegur munur að vera hérna fyrir norðan og í reykjavík á þessum tíma.. það er svo miklu miklu minna stress hérna á norðurlandinu.. ég á reyndar eftir að fara í einn verslunarleiðangur fyrir jól ég veit ekki hvort að skoðun mín breytist eftir það.. það verður að koma í ljós.. en desember er klárlega tími sem hægt er að njóta ég segi nú ekki annað

Hafið þið góðar stundir

Dídí í nýju vinnunni

Jóla jóla jóla

Fri, 14 Dec 2007 09:06:51 GMT

Maður er alltaf jafn hissa hvað tíminn er fljótur að líða í desember.. í ár er í fyrsta skipti í mörg ár sem ég er ekki að læra undir próf á þessum tíma en tíminn samt þýtur áfram!!..

Við erum loksins flutt inn á Akureyri.. jeijei.. við búum núna í tjarnarlundi og íbúðin er hin fínasta.. okkur óraði ekki fyrir að við hefðum sankað að okkur svona miklu dóti á þeim þrem árum sem við bjuggum í reykjavík:|.. en svona er þetta bara.. ég er byrjuð að vinna hjá Höldi- Bílaleigu Akureyrar og líst bara assgoti vel á.. byrjaði reyndar á rólegasta tíma ársins svo að maður hangir stundum eins og illa gerður hlutur af því að það er ekkert að gera en það á nú eftir að breytast;).. jói er bara hérna hinum megin við götuna í Brimborg og það er voða notalegt að vakna á sama tíma.. ekki eins og það var í sumar þegar ég dragnaðist úr rúminu á náttfötunum til að skutla honum í vinnuna og lagðist svo aftur upp í í 50 mín8).. en svona er ég.. svefnpurka dauðans só tú spík..

Við gerðum nokkuð góða ferð til köben um daginn.. sem kannski byrjaði ekki svo vel.. mín þessi gamla glæra fattaði á leið út á flugvöll að vera ekki með húsnúmerið á íbúðinni sem við ætluðum að vera í.. svo ég sendi pabba sms og spyr hann um það.. síðan biðjum við leigubílsstjórann að skutla okkur á íslandsbryggju 17.. þegar þangað kom þá gerðist ekkert þó pabbi væri að reyna að hleypa okkur inn og síðan segir hann, "heyrðu þið eruð ekkert fyrir utan"! og við bara "jú þetta er íslandsbryggja 17" og hann bara "en það er ekki rétt gata"! Er þetta ekki ekta ég!! þá sem sagt tók ég því þannig að því að það segir á síðunni að íbúðin sé á íslandsbryggju að gatan héti það.. hver skírir götu eftir hverfinu sem hún er í ég bara spyr?? reyndar urðu öll plön svo eiginlega að engu þar sem pabbi kallinn náði að brjóta umgjörðina á gleraugunum sínum á laugardeginum (þegar við komum út) og því var tekinn rúntur í allar gleraugnaverslanir í borginni.. og viti menn enginn gat gert við blessuð gleraugun og kallinn alveg bjargarlaus án þeirra.. enda með fjarsýni á hæsta stigi:( þannig að laugardagurinn fór fyrir lítið og mestur sunnudagurinn líka.. pabbi bjargaði því þó með skítareddingum og límdi gleraugun saman.. þannig að hann var ekki alveg sjónlaus.. það sem stóðst í þessari ferð var góður matur, bjór og hogm ;).. við stefnum að því að fara í hlýrra frí næst enda svipað veður þar og heima...

þangað til næst:D

Dagmar sem er alveg að komast í gott jólaskap